Një variant i ri i koronavirusit i identifikuar në Kaliforni që po përhapet më lehtë sesa lloji origjinal, ka më shumë të ngjarë të shkaktojë sëmundje të rëndë dhe është rezistent ndaj të dy vaksinave dhe antitrupave të prodhuar nga varietet e tjera, paralajmëron një epidemiolog.

Doktor Eric Feigl-Ding citoi një raport nga shkencëtarët në Universitetin e Kalifornisë në San Francisco (UCSF) të cilët thonë se disa mutacione janë një variant shqetësimi po aq të rrezikshme sa ato të Afrikës së Jugut, Brazilit dhe Mbretërisë së bashkuar. Ai paralajmëron për dy pandemi të ndryshme të Covid-19 që po përhapen menjëherë.

Shumë mendojnë se me rënien e rasteve pandemia ka mbaruar, por e vërteta është se tani ka dy variante të Covid-19 të ndryshme. Sforcimi i vjetër po zbehet, ndërsa sforcimi më ngjitës # B117 po dominon. Së shpejti do të përplasemi shumë fort”, është shprehur doktor Eric Feigl-Ding.

Studiuesit analizuan mbi 2,000 mostra të mbledhura nga pacientë në Kaliforni midis Shtatorit 2020 dhe Janarit 2021. Rezultatet e tyre sugjerojnë se varianti i ri është 19%- 24% më i transmetueshëm.

Dr. Charles Chiu, një studiues dhe mjek i sëmundjeve infektive në UCSF, thotë se ky variant i ri, i quajtur B.1.427 / B.1.429 nga studiuesit, do të përbëjë ndoshta 90% të infeksioneve të shtetit deri në fund të Marsit. Analiza e hershme sugjeron që B.1.427 / B.1.429 mund të jetë edhe më vdekjeprurëse sesa llojet e tjera.

“Djalli është tashmë këtu, do të doja të ishte ndryshe, por shkenca është shkencë ”, tha ai për median “LA Times”.

Dr. Chiu dhe kolegët e tij vlerësojnë se rastet e shkaktuara nga varianti i ri tani dyfishohen çdo 18 ditë.

“Ekziston një rrezik mjaft i lartë që varianti kalifornian dhe varianti britanit të infektojnë të dy njëkohësisht një pacient duke formuar kështu në super virus hibrid”, është shprehur Dr. Chiu

Dr. Anthony Fauci, drejtor i Institutit Kombëtar të SHBA të Alergjisë dhe Sëmundjeve Infektive, ka thënë për median “Los Angeles Times” se virusi kalifornian dhe britanik janë në një garë se kush është më i forti.

tvklan.al

Leave A Reply

Please enter your comment!
Please enter your name here