Një bandë shqiptarësh të quajtur “Ferri shqiptar” (Hellbanianz) akuzohen për një seri krimesh e cila vepronte në zonën Tigullio e Liguria.Hetimi ndaj kësaj bande nisi pas një sulmi ndaj dy të miturve, për të cilët u kryen 3 arrestime ndërsa u shpallën në kërkim 16 të tjerë. Edhe të arrestuarit dhe të shpallurit në kërkim janë të gjithë të mitur.

Hetimi policor, i shkaktuar pas një sulmi ndaj dy të miturve, çoi në arrestimin e 3 djemve dhe shpalljen në kërkim të 16 personave të tjerë. Në total sipas policisë janë 18 të dyshuar që bëjnë pjesë në këtë bandë.

Rreth njëzet episode të dhunshme u rindërtuan për të cilat disa anëtarë të grupit ishin përgjegjës: si grabitje, vjedhjet, zhvatjet, sulmet, plagosjet, rrahjet dhe ngacmimet dhe veprimet e shumta të paligjshme të kryera gjithashtu përmes rrjeteve sociale, të përdorura për të kontaktuar dhe kërcënuar viktimat.

Gjatë kontrolleve, u gjetën dy armë lodër, imazhet e të cilave u postuan në profile të ndryshme shoqërore të djemve dhe video të shumta të përleshjeve dhe sulmeve të bëra.

Aktiviteti hetimor nuk ka përfunduar ende dhe për momentin janë 18 fëmijë të regjistruar në regjistrin e të dyshuarve, 13 prej të cilëve janë të mitur. Tre nga këta, ata që ishin përgjegjës për ngjarjet më të rënda, u transferuan në një burg për të mitur Piemontez.

Ndër episodet më të rënda ishte grabitja e kryer në një tren gjatë së cilës një i mitur u rrah egërsisht nga katër djem ndërsa një i pesti filmoi ngjarjen.

Ekzistojnë gjithashtu veprime të shumta ngacmimi, të tilla si rrahjet e shkaktuara ndaj një djali që e poshtëruan dhe ai i një adoleshenti tjetër që i hodhën një fikse zjarri në fytyrë duke i shkaktuar atij dëmtime fizike dhe një poshtërim të rëndë pasi i publikuan fotot në rrjetet sociale.

Kujtojmë se një bandë me të njëjtin emër ekziston në Angli ku sipas mediave vendase kontrollon tregun e kokainës në të gjithë Mbretërinë e Bashkuar.

Top Channel

Leave A Reply

Please enter your comment!
Please enter your name here