Një grup studiuesish nga Instituti Max Ast Planck për Astronominë arritën të kapnin imazhin e parë optik të një ekzoplaneti, i cili është larg nga toka rreth 63 vjet drite.

Imazhi i planetit i vendosur jashtë sistemit diellor është bërë duke përdorur teleskopin optik më të përparuar në botë në shkretëtirën kiliane Atacama. Regjistrimi është kryer me metodën e shpejtësisë radiale.

Një ekzoplanet i quajtur “Beta Pictoris c” është planeti i dytë i zbuluar në atë sistem, transmeton Telegrafi.

“Ky është konfirmimi i parë i drejtpërdrejtë i një planeti të zbuluar nga metoda e shpejtësisë radiale”, tha Silvestre Lakur, kreu i programit të vëzhgimit “ExoGRAVITY”.

Shkencëtari kryesor i projektit nga Instituti Max Planck, Frank Eisenhower, tha se ata sapo kanë filluar të eksplorojnë botë të reja mahnitëse, nga një vrimë e zezë supermasive në qendër të galaktikës sonë tek planetët jashtë sistemit diellor.

Sistemi “Beta Pictoris” ndodhet rreth 63.4 vjet dritë larg sistemit diellor. Deri më sot, janë zbuluar vetëm dy planetë që rrotullohen rreth sistemit të ri – i pari i zbuluar dhe fotografuar në vitin 2008 u quajt “Beta Pictoris b”. I dyti, “Beta Pictoris c”, u zbulua në gjysmën e dytë të vitit 2019 dhe tani është bërë një regjistrim unik i tij.

/Telegrafi/

Leave A Reply

Please enter your comment!
Please enter your name here